روجينا قبل عرض بطولتها المطلقة الأولى أحقق الحلم اللي عمري ما تخليت عنه

3٬813

استبقت الفنانة روجينا عرض الحلقة الأولى من مسلسل رمضان 2021 “بنت السلطان” الذي يمثل بطولتها المطلقة الأولى في الدراما المصرية، ووجهت رسالة مؤثرة أكدت فيها أن العمل يمثل حلم عمرها، وأنها ظلت طوال السنوات الماضية راضية بقدرها ومؤمنة بموهبتها وتنتظر الفرصة المناسبة للنجاح.

 

روجينا استغلت تصدر أغنية “كان يا ما كان” للمطربة أصالة، تتر مسلسها “بنت السلطان” قائمة الأكثر مشاهدة، وكتبت عبر حسابها الشخصي بموقع إنستقرام: لكل مجتهد نصيب، عمري ما استكثرت نعمة على حد، ولا بصيت لرزق مش رزقي، على طول كنت راضية حتى وأنا أصعب انكسارتي، كنت بشتغل بمنتهى الاجتهاد، كنت بفرح بنجاح زمايلي وكإنه نجاحي، وكان بيكفيني انو يتقال عليا وش الخير”.

 

وتابعت وعمري ما طلبت من البشر، كنت بطلب من رب البشر وكنت واثقة فى ربنا لإنه العدل، وواثقة في موهبتي والجمهور اللي بيحبني وبيدعمني ولأني كبرت بيهم، فكنت واحدة منهم، دور ورا دور هما اللي كانوا سندي في المشوار، لغاية ما ربنا طبطب عليا والسنة دي بعد عمر ومشوار طويل، بحقق الحلم اللي عمري ما تخليت عنه.

وجددت روجينا الشكر لزوجها نقيب المهن التمثيلية أشرف زكي قائلة، بشكر أشرف ذكي اللي اتعلمت منه كتير، اللي دايما في ضهري أمي وبناتي، ودعوتهم ليا بشكر كل من ساهم في وصولي للخطوة اللي أنا فيها دلوقتي من أول دخولي المعهد، الاستاذة الكبار اللي اتعلمت على ايدهم، بشكرك كل الناس اشتغلت معاهم من أول مسلسل لآخر فرحة في مشواري مسلسل (بنت السلطان)، النهاردة بإذن ربنا وواثقة فى كرم ربنا،

التعليقات مغلقة.

الاخبار::